|
|
 | |  |
Главная » 2011 » May » 30 » Barchamiz uchun birdek taalluqli...
13:08 Barchamiz uchun birdek taalluqli... |
Hikoya barchamiz uchun birdek taalluqli. Soyabonlarini uylarida qoldirgan insonlar juda ko`p...
Yoz mavsumlarining birida kuchli qurg’oqchilik avj olib kichkinagina qishloqdagi ekin-tekinlarga tahdid sola boshlaydi.
Jaziramali bozor kunlarining birida qishloq imomi jamoat ahliga qarata shunday deydi: "Bizni yomg’ir duosidan boshqa hech narsa qutqara olmaydi. Uyga boring, duo qiling, ishoning va kelasi yakshanba tangri yomg’ir yuborgani bois rahmat aytishga tayyor bo`lib keling".
Odamlar o`zlariga tayinlangan vazifalarni ado etib, keyingi yakshanba kuni aytilgan joyga to`plandilar. Ammo imom ularni ko`rishi bilan jahl otiga minib:
- Bugun duo qilmabsiz. Demak, hali ham yetarlicha ishonmayapsiz, - deydi.
- Iya, - deb e'tiroz qiladi odamlar, - duo qildik va chindan ham ishonyapmiz.
- Ishonyapsizmi? - deb so`raydi imom, unda soyabonlaringiz qani?
Hikoya barchamiz uchun birdek taalluqli. Soyabonlarini uylarida qoldirgan insonlar juda ko`p. Bu insonlar umr bo`yi istak va duolarining ijobat bo`lishini umid qiladi, lekin aslida ro`yobga chiqishini kutmaydi. Ba'zilar bo`lsa, orzulari va istaklarining amalga oshishini kutadi. Umrlarining boshidan to so`ngggi nuqtasigacha har on go`yoki bir hodisa yuz berishi mumkindek, hozirlik ko`rib yashaydi. Bugun orzu qilganingizga yetish uchun nelar qilmoqchisiz? Tilaklaringizning ijobat bo`lishi hamda natija berishi uchun harakat qilyapsizmi?
Unda soyaboningizni unutmang!!!
|
|
Категория: Статья / Maqola |
Просмотров: 737 |
Добавил: _DAVRONBEK_
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
|
|
